(¯`·._ أحباب العراق _.·´¯)
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

(¯`·._ أحباب العراق _.·´¯)


 
الرئيسيةأحدث الصورالتسجيلدخول

 

 القمر(الكمر)

اذهب الى الأسفل 
كاتب الموضوعرسالة
عراقي انا
مشرف
عراقي انا


عدد الرسائل : 124
تاريخ التسجيل : 03/03/2007

القمر(الكمر) Empty
مُساهمةموضوع: القمر(الكمر)   القمر(الكمر) Icon_minitimeالأحد مارس 11, 2007 9:11 pm

بهيده على بختك يا كمر .. مساهر واريد اشكيلك



انه غريب ابدنيتي .. مضيّع وادور ابليلك



عن ربعة اهلي ، ودلّة الديوان ، ومواويلك



عن ضحكة البربين لعيون الدلو



عن رقصة الصفصاف والماي الحلو



عن صحبتي، وخلاني , وعيون النهر



بهيده على بختك يا كمر



***



يا غربتي ...



غربة عصافير التودع اعشوشها... برفّة جنح



ويا دمعتي ...



دمعة الكاع التبكي موت اهروشها... بجيت الملح



يا دار اهلنا الطاهره ... مر العمر



عيون اليحب امساهره ...ومامش خبر



بهيده على بختك يا كمر

***



وك يا كمرنه مروتك ... حنّي الشواطي بدمعتي



كلهم كبرت اعله الصبر...والونّه صارت غنوتي



مشتاق ابوسن دجله... واشرب مايها



واعزف ترانيم المحبّه بنايها



دجله الهوى ، والسوق ، والحب ، والسهر



بهيده على بختك يا كمر
الرجوع الى أعلى الصفحة اذهب الى الأسفل
 
القمر(الكمر)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(¯`·._ أحباب العراق _.·´¯) :: المتديات الأدبيه :: منتدى الخواطر-
انتقل الى: